მარიამობას 28 მსჯავრდებული ქალი, რომელიც სასჯელს #5-ე ქალთა დაწესებულებაში იხდის, სახლში შეხვდება, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე ეკა ბესელიამ განაცხადა, რომელიც გუშინ #5-ე დაწესებულების პატიმრებს შეხვდა. ბესელია #5-ე დაწესებულებაში სასჯელაღსრულების მინისტრის მოადგილე გიგა გიორგაძესთან და პირობით ვადაზე ადრე გათავისუფლების მუდმივმოქმედი კომისიის სხვა წევრებთან ერთად იმყოფებოდა. როგორც კომიტეტის თავმჯდომარემ განაცხადა, კომისიის წევრები გუშინ #5-ე დაწესებულებაში 28 მსჯავრდებულ ქალს გაესაუბრნენ და ყველა მათგანის მოთხოვნა, ვადაზე ადრე გათავისუფლების შესახებ, დააკმაყოფილეს.
წყარო:
interpressnews.ge