ადიგენის რაიონის სოფელ ჭელაში მეჩეთთან არსებული მინარეთის დემონტაჟი მიმდინარებს. ამის შესახებ "ინტერპრესნიუსს" ორგანიზაცია "ქართველ მუსლიმთა კავშირის" ხელმძღვანელმა ტარიელ ნაკაიძემ აცნობა. ტარიელ ნაკაიძის თქმით, დემონტაჟს ადგილობრივი მუნიციპალიტეტი ახორციელებს და ადგილზე სამართალდამცავი ორგანოების წარმომადგენლებიც იმყოფებიან. "დემონტაჟს ახორციელებს ადგილობრივი მუნიციპალიტეტი, ადგილზე იმყოფებიან შინაგან საქმეთა სამინიტროს წარმომადგენლები, რომლებიც მეჩეთის ტერიტორიაზე მუსლიმ მრევლს შესვლის საშულებას უზღუდავს. შეკრებილია საკმაო რაოდენობის ხალხი. მოვუწოდებ სახელმწიფო სტრუქტურების წარმომადგენლებს, თავი შეიკავონ სამლოცველოსთან არსებული მინარეთის დემონტაჟისგან", - აღნიშნა ტარიელ ნაკაიძემ. ამასთან, როგორც ტარიელ ნაკაიძემ განმარტა, საქართველოს მასშტაბით მეჩეთებთან არსებული მინარეთები კანონდარღვევით არის აშენებული."საქართველოს მასშტაბით, მეჩეთებთან არსებული მინარეთები არის კანონდარღვევით აშენებული. საქართველოში მინარეთის მშენებლობასთან დაკავშირებით შესაბამისი კანონი არ არსებობს. ეს იმას არ ნიშნავს, რომ ჩვენ გვერდს ვუვლით კანონს, ჩვენ მზად ვართ, სამართლებრივ ჩარჩოში მოვიყვანოთ არსებული მშენებლობა", - აღნიშნა ტარიელ ნაკაიძემ. სოფელ ჭელაში მინარეთი თვენახევრის წინ აშენდა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი