სახალხო დამცველის აპარატის წარმომადგენლებმა თავიანთ ოფისში შეხვედრა გამართეს. იგი იძულებით გადაადგილებული პირების განსახლების თემას ეხებოდა. მათ ასევე წარადგინეს ანგარიში დევნილების უფლებების შელახვასთან დაკავშირებით, რომელიც სოციალური დახმარების სისტემის ცვლილებებსა და ექსტრემალური გადაადგილებისას დევნილების სტატუსის მინიჭების პროცესს ეხება.

შეხვედრას ესწრებოდნენ არასამთავრობო ორგანიზაციების წარმომადგენლები, რომლებმაც იძულებით გადაადგილებულ პირთა არსებული მდგომარეობა და მათი საცხოვრებელი პირობები განიხილეს.
„ჩვენ, არასამთავრობო ორგანიზაციის წარმომადგენლებს, განსაკუთრებით გვაინტერესებს მიმდინარე პროცესები, რომლებიც იძულებით გადაადგილებულ პირებს ეხება; მათი არსებული მდგომარეობა, თუ როგორ მიმდინარეობს მათთვის ბინების გადაცემა და რა პირობებში უწევთ მათ ცხოვრება. დღეს არის ძალიან საინტერესო შეხვედრაა, ბევრი ინფორმაცია გაჟღერდა და, ვფიქრობ, საზოგადოებაც უნდა იყოს დაინტერესებული იმ პრობლემებით, რომლებიც დევნილებს აწუხებთ. აქ სწორედ ასეთი თემები იყო განხილული, როგორიცაა, მაგალითად, დევნილების უფლებების შელახვისა თუ დაცვის პროცესები,“ - განაცხადა მიგრაციის საერთაშორისო ორგანიზაციის წარმომადგენელმა ნუგზარ კოხრეიძემ.