11 მაისს აკაკი წერეთლის სახელმწიფო უნივერსიტეტის მწვანე დარბაზში ინგლისური ენის კონკურსის ფინალური ეტაპი შედგა, რაც ქუთაისის სკოლებში ინგლისური ენის სწავლების ხელშეწყობას ემსახურება.
პროექტს სახელწოდებით „Design My Future“- ინგლისური ენის კონკურსის სახე აქვს, ეს ყოველივე ეხმაურება 2012 წლის ოლიმპიური და პარაოლიმპიური თამაშების პოპულარიზაციას და მიზნად ისახავს ახალგაზრდებში ცნობიერების ამაღლებას, ოლიმპიური და პარაოლიმპიური ფასეულობების დამკვიდრებას. შეჯიბრში ერთვებოდნენ 12-16 წლის ახალგაზრდები.
„ეს პროექტი უკვე განხორციელდა საქართველოს რეგიონებში, იყო გორში, თელავში. ეს გახლავთ ინგლისური ენის კონკურსი. პროექტის ფარგლებში ქუთაისელ მოსწავლეებს მივეცით შესაძლებლობა, შეექმნათ პროექტები ოლიმპიური ფასეულობების ირგვლივ,“ - განაცხადა ბრიტანეთის საბჭოს დირექტორმა საქართველოში ზაზა ფურცელაძემ.
ფინალურ კონკურსში ქუთაისიდან ხუთი სკოლა მონაწილეობდა.