15 დეკემბერს აკაკი წერეთლის სახელმწიფო უნივერსიტეტის სამკითხველო დარბაზში გაიმართა შეხვედრა-პრეზენტაცია, რომელშიც მონაწილეობდნენ: გაეროს ასოციაციის წარმომადგენელი ლაშა ჯუღელი, ევროსაბჭოს წარმომადგენელი რენატა ვინტერი, იუსტიციის მინისტრის მოადგილე გიორგი ვაშაძე, იუსტიციის სამინისტროს ანალიტიკური სამსახურის უფროსი რუსო მიხელიძე.
შეხვედრის ორგანიზატორებმა სტუმრებთან ერთად ისაუბრეს იმის შესახებ, თუ როგორი იყო ვითარება რეფორმამდე, რას ნიშნავს მართლმსაჯულების რეფორმა მოქალაქეებისათვის, რატომ იყო აუცილებელი ნულოვანი ტოლერანტობის პოლიტიკა და რას ითვალისწინებს ახალი ლიბერალური კანონმდებლობა, არასრულწლოვანთა მართლმსაჯულების პოლიტიკა და რა გეგმები აქვს ხელისუფლებას იმისათვის, რომ არასრულწლოვნები დანაშაულისგან დაიცვას.
იუსტიციის სამინისტროს წარმომადგენლებმა აღნიშნეს, რომ სისხლის სამართლის რეფორმის შესახებ დისკუსიები სტუდენტების მონაწილეობით და საინფორმაციო ხასიათის შეხვედრები უმაღლეს სასწავლებლებში საქართველოს სხვა რეგიონებშიც გაგრძელდება.
ლანა ღიბრაძე