თემა: „საპარლამენტო ქუთაისი“ და კითხვა: „დარჩება თუ არა პარლამენტი ქუთაისში“ საქართველოს საინფორმაციო სივრცეში აღარაა პრიორიტეტული თემა №1...
ახლა აქტუალურია:
ბაჩო ახალაიასთვის წაყენებული ბრალი: ადამიანის უფლებების შელახვაა, თუ სამართლიანი სასჯელი...
გიორგი კალანდაძე: გმირია თუ „არაგმირი“? წაგებული ომის გენერალი?..
პრეზიდენტი ჩაბნელებულ სასახლეში: ადმინისტრაციული ხარჯების
მოსალოდნელი შემცირების გამო აკეთებს ელექტროენერგიის გადასახადის ეკონომიას, თუ საზოგადოებას თავს აცოდებს?..
საზოგადოებრივი მაუწყებელი: უნდა შეემოწმებინა თუ არა საზოგადოების ფულის ხარჯვა ფინანსთა სამინისტროს?
სახალხო დამცველი: რატომ ცდილობს უმრავლესობა წინამორბედებივით
„შინაურების“ დანიშვნას?..
გიგი უგულავა: რომელიც ახალმა პრემიერმა მთავრობის სხდომაზე არ დაუშვა.
„საიდან სადაო, აქ შენი ადგილი არააო!“
ფაქტია, რომ ცხოვრება საინტერესო გახდა: სანახაობრივი...
და ყველაფრის მიუხედავად, რამდენი გენერალი, მინისტრი, მერი და
გუბერნატორიც არ უნდა დაიჭირონ, მე მაინტერესებს ყველაზე მთავარი:
დააპატიმრებენ თუ არა ქუთაისის მომავალს, რომელიც, რატომღაც მეჩვენება, რომ დასაჭერების რიგში დგას!
მე მაინტერესებს: რა იქნება ქუთაისი ხვალ? რას გავაკეთებ მე ამ ქალაქში?
მე მაინტერესებს: კიდევ რამდენი წელი მექნება უპერსპექტივობის განცდა?
კიდევ რამდენი წლით უნდა წავიდე სხვა ქალაქში სამუშაოდ? და, საერთოდ, ღირდა კი დაბრუნება?
მე მაინტერესებს: უნდა იცხოვრონ თუ არა ჩემმა შვილებმა ჩემს ქალაქში?
მე მაინტერესებს: ყველაფერი, რაც ჩემს ქალაქს და ჩემს სამშობლოს ეხება და ამიტომ სულერთი არაა, დარჩება თუ არა პარლამენტი ქუთაისში; გახდება თუ არა ქუთაისი პოლიტიკური და საზოგადოებრივი ცხოვრების ადგილი; იქნება თუ არა ქუთაისი ქალაქი ხვალ, ზეგ, მომავალში?
და საერთოდ - გვეღირსება კი ხელისუფლებაში ძალა, რომელსაც შეუძლია იტვირთოს დეცენტრალიზაციის მისია?
რატომღაც მგონია, რომ მე მარტო არა ვარ და კითხვა - „დატოვებენ“? - დაახლოებით 195 000 ქუთაისელის, დაახლოებით 700 000 იმერელის და, დაახლოებით, 4 000 000 ქართველისთვის არის გრძელვადიანი თემა ?1.
იმიტომ, რომ პარლამენტის ქუთაისში დარჩენით:
თბილისი სნობებისა და მათი მანქანების გამონაბოლქვისგან განიტვირთება;
დედაქალაქს 150 ამბიციური პოლიტიკოსი დააკლდება და ქუთაისს ამით არაფერი დააკლდება იმიტომ, რომ ერთი გენიალური ქართველი მწერლის მოთხრობისა არ იყოს: აქ, შუა იმერეთში, ძალაუნებურად აღმოაჩენენ: „ერთი რამის სიყვარულს, დაფარვა რომ სჭირდება“...
მოდით, შევხედოთ ქუთაისს როგორც „კარცერ-ლუქსს“ 150 პოლიტიკოსისთვის:))
დეპუტატებს ასკეტური ცხოვრება მოუწევთ: ბინა ქირით, წყალი გრაფიკით, ქარი და წვიმა უგრაფიკოდ:))
ნაცრისფერ, უსახურ, უწყლო და უფულო ქალაქში სამშობლოსთვის „გადმოსახლებას“ მხოლოდ ისინი გაუძლებენ, ვისაც წინასაარჩევნოდ დაპირებული ფასეულობების და ღირებულებების დეკაბრისტებივით სჯერათ.
არადა, როგორ გვაკლია გულწრფელი იდეალისტები პოლიტიკაში:))
P.S. მე მიყვარს ქუთაისი და მინდა, ვიცოდე: რა ბედი ელის ქუთაისს ხვალ, ზეგ, მომავალში?
ელისო გოლეთიანი