ავსტრიის პარლამენტის ვიცე-სპიკერი - ასოცირების შეთანხმების რატიფიკაცია ჯერ თქვენ უნდა მოახდინოთ
ავსტრია საქართველოსა და ევროკავშირს შორის ასოცირების ხელშეკრულების რატიფიცირებას მიმდინარე წელს მოახდენს, - ამის შესახებ ქართველ ჟურნალისტებს ავსტრიის
რესპუბლიკის პარლამენტის ეროვნული საბჭოს ვიცე-სპიკერმა კარლჰაინს კოფვიმ, საქართველოს პარლამენტის თავმჯდომარე დავით უსუფაშვილთან შეხვედრის შემდეგ განუცხადა.
ჟურნალისტის კითხვაზე, თუ როდის მოახდენს ავსტრია ასოცირების შეთანხმების რატიფიცირებას, ვიცე-სპიკერმა რეპლიკით უპასუხა: ვფიქრობ, ეს ჯერ თქვენ უნდა გააკეთოთ.
"ავსტრია განახორციელებს რატიფიცირებას იმდენად სწრაფად, რამდენადაც შესაძლებელია, როგორც კი დოკუმენტი შევა პარლამენტში. დარწმუნებული ვარ, ამას არ დასჭირდება დიდი დრო და მიმდინარე წელს მოხდება. ჩვენ შევეცდებით ვიყოთ ერთ-ერთი პირველი ქვეყანა, ვინც ამ დოკუმენტის რატიფიცირებას მოახდენს, რატომაც არა? ჩვენ მხარს ვუჭერდით ამ პროცესს და არ გვსურს დაყოვნება და მხარდაჭერისაგან თავის შეკავება", - განაცხადა კარლჰაინს კოფვიმ.
საქართველოს პარლამენტი ევროკავშირთან გაფორმებული ასოცირების შეთანხმების რატიფიცირებას 18 ივლისს მოახდენს.
წყარო:
interpressnews.ge