კობა ნარჩემაშვილი - გადაუჭარბებლად შეიძლება ითქვას, რომ ედუარდ შევარდნაძე იყო ახალი მსოფლიო წესრიგის არქიტექტორი
გადაუჭარბებლად შეიძლება ითქვას, რომ ედუარდ შევარდნაძე იყო ახალი მსოფლიო წესრიგის არქიტექტორი და ჩვენთან სახელმწიფოებრიობის მშენებლობის დამწყები, - ასე შეაფასა საქართველოს
მეორე პრეზიდენტის, ედუარდ შევარდნაძის საქმიანობა შს ყოფილმა მინისტრმა შევარდნაძის ხელისუფლების დროს და შევარდნაძის კაბინეტის წევრმა კობა ნარჩემაშვილმა, რომელიც კრწანისის ყოფილ სამთავრობო რეზიდენციაში ედუარდ შევარდნაძის დაკრძალვას ესწრება.
"ვფიქრობ, ედუარდ შევარდნაძის როგორც საერთაშორისო, ისე ქვეყნის შიგნით მოღვაწეობაზე პასუხი გასცეს დღეს ჩამოსულმა სტუმრებმა სამების საკათედრო ტაძარში. ეს იყო შეუფასებელი და გადაუჭარბებლად შეიძლება ითქვას - ახალი მსფლიო წესრიგის არქიტექტორი, ჩვენთან კი სახელმწიფოებრიობის მშენებლობის დამწყები", - განაცხადა კობა ნარჩემაშვილმა.
ედუარდ შევარდნაძე კრწანისის ყოფილი სამთავრობო რეზიდენციის ეზოში დღეს დაკრძალეს.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი