საქართველოს ოფიციალური ვიზიტით 14 ივლისს ახალი ზელანდიის საგარეო საქმეთა მინისტრი მურეი მაკკალი ეწვევა.
საგარეო საქმეთა სამინისტროს პრესისა და ინფორმაციის დეპარტამენტის ინფორმაციით, ახალი ზელანდიის საგარეო საქმეთა მინისტრი თავის ქართველ კოლეგას მაია ფანჯიკიძეს შეხვდება.
მინისტრები საქართველოს საგარეო საქმეთა სამინისტროსა და ახალი ზელანდიის საგარეო საქმეთა სამინისტროს შორის თანამშრომლობის დეკლარაციას მოაწერენ ხელს. საგარეო საქმეთა სამინისტროში დელეგაციების შეხვედრის შემდეგ მინისტრების ერთობრივი პრესკონფერენციაც გაიმართება.
საქართველოში ოფიციალური ვიზიტის ფარგლებში ახალი ზელანდიის საგარეო საქმეთა მინისტრი საქართველოს პრეზიდენტს, პრემიერ-მინისტრს და პარლამენტის თავმჯდომარეს შეხვდება.
საქართველოში ეს ახალი ზელანდიის საგარეო საქმეთა მინისტრის პირველი ვიზიტია.
წყარო:
interpressnews.ge