გიორგი მარგველაშვილმა და ნილს მუიჟნიეკსმა ადამიანის უფლებათა დაცვის თვალსაზრისით საქართველოში შექმნილი ვითარება განიხილეს
საქართველოს პრეზიდენტი გიორგი მარგველაშვილი ევროპის საბჭოს ადამიანის უფლებათა კომისარ ნილს მუიჟნიეკსს შეხვდა.
როგორც "ინტერპრესნიუსს" პრეზიდენტის პრესსამსახურიდან აცნობეს, ქვეყნის პირველმა პირმა ადამიანის უფლებათა კომისართან ადამიანის უფლებათა დაცვის თვალსაზრისით საქართველოში შექმნილი ვითარება განიხილა. საუბარი ასევე შეეხო ეროვნული უმცირესობების საკითხებს, მართლმსაჯულების სისტემაში არსებულ მდგომარეობას, სასამართლოს რეფორმას და ოკუპირებულ ტერიტორიებსა და საზღვრისპირა სოფლებში არსებულ სიტუაციას ადამიანთა უფლებების დაცვის მხრივ.
ქართული მხრიდან შეხვედრას პრეზიდენტის მრჩეველი საერთაშორისო საკითხებში ივანე მაჭავარიანი და საქართველოს მუდმივი წარმომადგენელი ევროსაბჭოში კონსტანტინე კორკელია ესწრებოდნენ.
წყარო:
interpressnews.ge