ცესკო - სოზარ სუბარი რეგისტრაციიდან ბინის მესაკუთრის განცხადების საფუძველზეა მოხსნილი
სასჯელაღსრულების მინისტრი სოზარ სუბარი სიაში იმის გამო არ აღმოჩნდა, რომ ის რეგისტრაციიდან მოხსნილია. ამის შესეხებ ცესკოს სპიკერმა ეკა აზარაშვილმა
ჟურნალისტებს ბრიფინგზე განუცხადა.
ეკა აზარაშვილის თქმით, მათ გადაამოწმეს ეს ინფორმაცია და აღმოჩნდა, რომ სოზარ სუბარი რეგისტრაციიდან არის მოხსნილი ბინის მესაკუთრის განცხადების საფუძველზე, შესაბამისად, ის ამომრჩეველთა სიაში ვერ აღმოჩნდა.
ამასთან, მისივე თქმით, რადგან სოზარ სუბარი არ იყო ამომრჩეველთა სიაში, მას არ მიუვიდოდა ამომრჩვევლის ბარათიც, რის შემდეგაც მას შეეძლო გადაემოწმებინა საკუთარი თავი საარჩევნო სიაში.
სოზარ სუბარმა დღეს, ბახტრიონის 26-ში მდებარე მე-12 უბანზე ხმა ვერ მისცა.
წყარო:
interpressnews.ge