საგარეო საქმეთა სამინისტროში მინისტრ მაია ფანჯიკიძესა და სამხრეთ კავკასიასა და ცენტრალურ აზიაში ნატო-ს გენერალური მდივნის
სპეციალური წარმომადგენლის, ჯეიმს აპატურაის შეხვედრა მიმდინარეობს.
ეს არის პირველი შეხვედრა, რომელსაც ჯეიმს აპატურაი ვიზიტის ფარგლებში მართავს. დღესვე ჯეიმს აპატურაი შეხვედრებს გამართავს საქართველოს პრეზიდენტთან, პრემიერ-მინისტრთან, ევროპულ და ევროატლანტიკურ ინტეგრაციის საკითხებში სახელმწიფო მინისტრთან. აპატურაის ვიზიტის ძირითადი მიზანია ნატო-ს უელსის სამიტისთვის მოსამზადებელი სამუშაოების განხორციელება.
საგარეო საქმეთა სამინისტროში გამართული შეხვედრის შემდეგ მაია ფანჯიკიძე და ჯეიმს აპატურაი მედიისთვის კომენტარს გააკეთებენ.
ნატო-ს გენერალური მდივნის სპეციალური წარმომადგენელი საქართველოს 10 ივლისს დატოვებს.
წყარო:
interpressnews.ge