ქუთაისის საოლქო საარჩევნო კომისიაში არჩევნების პერიოდში დაფიქსირებული დარღვევების შესახებ საჩივრების განხილვა მიმდინარეობს. ხმაური მოჰყვა 55-ე საარჩევნო უბანზე დაფიქსირებულ დარღვევის საკითხს.
55-ე საუბნო კომისიის თავმჯდომარის ირმა კაპანაძის განცხადებით, ქუთაისის 55-ე უბნიდან გადასატან ყუთს თან უცხო პირი ახლდა, რომელიც კომისიის წევრებს დამკვირვებლის სტატუსით გაეცნო, თუმცა მას არავითარი დამადასტურებელი დოკუმენტი თან არ ჰქონდა.
59-ე საოლქო საარჩევნო კომისიის თავმჯდომარის გადაწყვეტილებით, აღნიშნული საჩივრის განხილვა დროებით გადაიდო.
ქუთაისის საოლქო საარჩევნო კომისიაში სულ 20 საჩივარია შესული.

წყარო: interpressnews.ge