გიგი უგულავა - ივანიშვილს ეტყობა, საკუთარი ზოოპარკიდან გამომდინარე ცხოველების ალუზია აქვს
"ერთიანი ნაციონალურო მოძრაობის" ერთ-ერთი ლიდერისთვის, გიგი უგულავასთვის ბიძინა ივანიშვილის დღევანდელი განცხადების შინაარსი გაუგებარია.
როგორც უგულავამ ჟურნალისტებს განუცხადა, ივანიშვილს ცხოველების ალუზია აქვს და სხვადასხვა ადამიანებს ცხოველებს ადარებს.
"გავეცანი განცხადებას, თუმცა რისი თქმა უნდოდა ამ ადამიანს, ვერ გავიგე. ერთადერთი რაც მივხვდი, ეტყობა საკუთარი ზოოპარკიდან გამომდინარე ცხოველების ალუზია აქვს და აქედან გამომდინარე, სხვადასხვა ადამიანებს ცხოველებს ადარებს. ეს ადამიანი თავის თავის ვიკილიქსია და ალბათ სხვა დროს უფრო ფართოდ განმარტავს იმ სურვილებს რისი გამოთქმაც სურდა", - განაცხადა უგულავამ.
ყოფილმა პრემიერ-მინისტრმა, ბიძინა ივანიშვილმა მარნეულში წინასაარჩევნოდ განვითარებული მოვლენებისას გიგი უგულავა ფაფარაშლილ ლომს შეადარა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი