პრეზიდენტის ადმინისტრაცია, ადმინისტრაციის ხელმძღვანელ ლაშა აბაშიძესთან ერთად, მისმა ორმა მოადგილემ და ლოჯისტიკის სამსახურის ხელმძღვანელმა დატოვეს. ამის შესახებ არაოფიციალური ინფორმაცია ვრცელდება.
ამ თემაზე განმარტებები პრეზიდენტის ადმინისტრაციაში ჯერ არ გაკეთებულა. თავად ლაშა აბაშიძე თანამდებობიდან მხოლოდ საკუთარ წასვლას ადასტურებს.
ლაშა აბაშიძის განცხადებით, მან გადაწყვეტილება პრეზიდენტთან შეთანხმებით მიიღო, თუმცა მიზეზებს არ აკონკრეტებს.
"გიდასტურებთ, რომ თანამდებობიდან წავედი. ეს იყო ერთობლივი გადაწყვეტილება", - განუცხადა "ინტერპრესნიუსს" ლაშა აბაშიძემ.



წყარო: interpressnews.ge