საქართველოს პრემიერ-მინისტრი ირაკლი ღარიბაშვილი დღეს, ქვემო ქართლის რეგიონს ესტუმრება.
პრემიერის პრესსამსახურის ცნობით, რეგიონული ტურნეს ფარგლებში მთავრობის მეთაური თბილისი-რუსთავის ავტობანის მშენებლობას დაათვალიერებს, ასევე შეღავათიანი აგროკრედიტის ფარგლებში შექმნილ საწარმოებს ეწვევა.
ირაკლი ღარიბაშვილი ქართულ-აზერბაიჯანული ერთობლივი ინვესტიციის შედეგად აშენებულ ელექტრო ნაკეთობების კომპანიაში სტუმრობასაც გეგმავს, რომელიც უახლოეს მომავალში გაიხსნება.
რეგიონული ტურნეს ფარგლებში დაგეგმილია პრემიერ-მინისტრის შეხვედრა ადგილობრივ მოსახლეობასთან.
წყარო:
interpressnews.ge