ჩვენ სიტყვა შევასრულეთ და, ამერიკელებთან და ნატო-ს სხვა მოკავშირეებთან ერთად, გავაგრძელებთ არასაბრძოლო მისიას ავღანეთში 2014 წლის შემდეგ , - ამის შესახებ საქართველოს თავდაცვის მინისტრმა ირაკლი ალასანიამ დღეს ჟურნალისტებს განუცხადა.
მისი თქმით, თავდაცვის სამინისტრო მიესალმება ამერიკის მხრიდან და ამერიკის შეერთებული შტატების პრეზიდენტ ობამას განცხადებას იმასთან დაკავშირებით, რომ ამერიკა გააგრძელებს უსაფრთხოების ძალების გაფართოებას ავღანეთში.
"თავდაცვის სამინისტრო მიესალმება ამერიკის პრეზიდენტ ბარაქ ობამას განცხადებას, რომ ისინი გააგრძელებენ და უერთგულებენ საკუთარ პოლიტიკას 2014 წლის შემდეგ მხარი დაუჭირონ ავღანეთში უსაფრთხოების ძალების განვითარებას. ჩვენ, როგორც ნატო-ს საიმედო პარტნიორი და როგორც ამერიკის შეერთებული შტატების საიმედო პარტნიორი, ჩვენს სიტყვას შევასრულებთ და ამერიკელთა და ნატო-ს სხვა მოკავშირეებთან ერთად გავაგრძელებთ არასაბრძოლო მისიას ავღანეთში 2014 წლის შემდეგ", - განაცხადა ირაკლი ალასანიამ.


წყარო: interpressnews.ge