26 მაისს სამხედრო აღლუმის ჩატარებასთან დაკავშირებით ორივე მხარის არგუმენტები გასაგებია, - ამის შესახებ ჟურნალისტებს უმრავლესობის ლიდერმა დავით საგანელიძემ განუცხადა.
"თემა არის იმგვარი, სადაც ორივე მხარეს აქვს არგუმენტი. მათ, ვინც მხარს უჭერს 26 მაისს სამხედრო აღლუმის გამართვას, რადგან კარგია ქვეყანამ წარმოაჩინოს ის სამხედრო ძალა, რაც გააჩნია. ის არგუმენტიც, რომ ამ მიმართულებით თანხების ზედმეტად გადაყრა მართებული არ არის, როცა სხვა უფრო ბევრად მნიშვნელოვანი საკითხებია გადასაწყვეტი, ესეც სერიოზულია", - აღნიშნა საგანელიძემ.
ხელისუფღლების გადაწყვეტილებით, 26 მაისს სამხედრო აღლუმი არ ჩატარდება.

წყარო: interpressnews.ge