"არასაპარლამენტო ოპოზიციამ" ნაძალადევში მაჟორიტარ კანდიდატად ნინო სირბილაძე წარადგინა
ნაძალადევის რაიონის მაჟორიტარი დეპუტატობის კანდიდატად "არასაპარლამენტო ოპოზიციამ" დღეს ნინო სირბილაძე დაასახელა.
"არასაპარლამენტო ოპოზიციის" ლიდერის, კახა კუკავას განცხადებით, მომავალი მაჟორიტარი "ცოცხალი და ენერგიული ადამიანი უნდა იყოს" და ნინო სირბილაძე სწორედ შესაბამისი კანდიდატია.
"მაჟორიტარი უნდა იყოს ლობისტი და ინტერესების გამტანი. დღეს თბილისის ყველა უბანს აქვს უამრავი სოციალური პრობლემა, რომელსაც სჭირდება ცოცხალი და ენერგიული ადამიანი ყოველგვარი პარტიული ინტერესების მიღმა", - განაცხადა კახა კუკავამ.
სირბილაძე დამოუკიდებელ კანდიდატადაა წარდგენილი. იგი თვლის, რომ წარმატებით მოირგებს მედიატორის როლს.
წყარო:
interpressnews.ge