ფაშიზმზე გამარჯვების დღესთან დაკავშირებით, საქართველოს პრეზიდენტმა გიორგი მარგველაშვილმა მეორე მსოფლიო ომის ვეტერანებს ვეტერანთა მოძრაობის საქმეში შეტანილი პირადი წვლილისთვის ჯილდოები გადასცა.
პრეზიდენტმა ათ ვეტერანს გადასცა ვახტანგ გორგასლის პირველი და მესამე ხარისხის ორდენები, ასევე ღირსების ორდენები.
ღონისძიება პრეზიდენტის სასახლეში გაიმართა. პრეზიდენტმა 10 ვეტერანი პირადად დააჯილდოვა. ამის შემდეგ პრეზიდენტმა გიორგი მარგველაშვილმა ომის ვეტერანებს სიტყვით მიმართა.
ღონისძიების შემდეგ საქართველოს პრეზიდენტი ომის ვეტერანებს საზეიმო სადილით გაუმასპინძლდება. ამასთან, ვეტერანებს გადაეცემათ 100-ლარიანი ვაუჩერები.



წყარო: interpressnews.ge