საყდრისის გადარჩენის საზოგადოებრივი კომიტეტის გაფართოებული კრება დასრულდა. როგორც ,,ინტერპრესნიუსთან" საუბარში კომიტეტის წევრმა
ნინო მიქიაშვილმა განაცხადა, კომიტეტის წევრები საყდრისის გადარჩენის სამომავლო გეგმაზე მსჯელობდნენ. მიქიაშვილის განცხადებით ამჟამად მიმდინარეობს კარვების აღება ქვედა ზონიდან და კომიტეტის წევრების ნაწილი საბადოს წინ, მთაზე კოშკურასთან გადაინაცვლებს.
კომიტეტის გაფართოებულ სხდომას ცოტნე გამსახურდია, სოსო მანჯავიძე, ზურაბ მამალაძე და ზაზა მგალობლიშვილიც ესწრებოდნენ. როგორც "ინტერპრესნიუსთან" საუბარში ცოტნე გამსახურდიამ განაცხადა, საყდრისის გადარჩენისთვის ბრძოლის შეწყვეტას არ აპირებენ. "როგორც ჩანს ხელისუფლებას აწყობს, რომ მოვლენები პერიპეტიებში იქნას გადატანილი, ამიტომ კომიტეტის სხდომაზე შეთანხმდნენ, რომ საპროტესტო აქციების ძირითად ნაწილს თბილისში გამართავენ. თუ რა ფორმით, ეს მოგვიანებით გახდება ცნობილი", - აღნიშნა გამსახურდიამ.
წყარო:
interpressnews.ge