პარლამენტი "საზოგადოებრივი მაუწყებლის" სამეურვეო საბჭოს წევრობის კანდიდატურებზე იმსჯელებს
პარლამენტი დღევანდელ პლენარულ სხდომაზე "საზოგადოებრივი მაუწყებლის" სამეურვეო საბჭოში ხუთ ვაკანტურ ადგილზე წევრების დამტკიცებას შეეცდება.
საკონკურსო კომისიის მიერ წარდგენილ კანდიდატთაგან შერჩეულია შემდეგი პირები: აჭარის უმაღლესმა საბჭომ გიორგი კოხრეიძის კანდიდატურა წარადგინა, უმრავლესობის გარეთ დარჩენილი პარლამენტის წევრთა არანაკლებ ერთი მეოთხედის, ამ შემთხვევაში უმცირესობის მხრიდან კვლავ ნინია კაკაბაძის კანდიდატურა დასახელდა, ასევე უმრავლესობის გარეთ დარჩენილი პარლამენტის წევრთა არანაკლებ ერთი მეოთხედის მიერ წარმოდგენილია დავით კიზირიას კანდიდატურა, ხოლო უმრავლესობამ გრიგოლ გოგელიასა და ალექსანდრე ვახტანგოვის კანდიდატურები შეარჩია.
"საზოგადოებრივი მაუწყებლის" სამეურვეო საბჭოში, რომელიც ახალი კანონის თანახმად, ცხრა წევრის შემადგენლობით კომპლექტდება, პარლამენტმა იანვარში მარინე მუსხელიშვილი, ლელა გაფრინდაშვილი, ქეთევან მსხილაძე და ნათელა სახოკია დაამტკიცა. ყველა სხვა კანდიდატურაზე, რომელიც მას საკონკურსო კომისიამ შესთავაზა, უარი თქვა.
იმავდროულად, საკონსტიტუციო სასამართლომ "საზოგადოებრივი მაუწყებლის" სამეურვეო საბჭოს იმ წარმომადგენლებს, რომელთაც "მაუწყებლობის შესახებ" კანონში განხორციელებული ცვლილებების საფუძველზე უფლებამოსილება უწყდებოდათ, წევრობის უფლებამოსილება შეუნარჩუნა. საკონსტიტუციო სასამართლომ ემზარ გოგუაძის, გიორგი მელაძის, მამუკა ფაჩუაშვილის, ზურაბ დავითაშვილის, დავით კანდელაკის, ნატალია დვალის საკონსტიტუციო სარჩელი დააკმაყოფილა და არაკონსტიტუციურად ცნო კანონის ის დებულება, რომლის მიხედვით, ახალი საბჭოს არჩევისთანავე მოქმედ წევრებს უფლებამოსილება უწყდებათ.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი