მიუსაფართათვის გრძელვადიანი თავშესაფრის მშენებლობის საკითხზე დღეს ნარმანიას უწყებაში იმსჯელებენ
რეგიონული განვითარების სამინისტროში დღეს მიუსაფართათვის გრძელვადიანი თავშესაფრის მშენებლობის საკითხი განიხილება.
როგორც "ინტერპრესნიუსს" რეგიონული განვითარებისა და ინფრასტრქუტურის სამინისტროდან აცნობეს, სამინისტროში დღეს მიუსაფართა პრობლემების მოგვარებაზე მომუშავე უწყებათაშორისი კომისიის სხდომა გაიმართება, რომელსაც მინისტრი დავით ნარმანია წარუძღვება.
სამინისტროს ინფორმაციით, კომისიის სხდომაზე, სხვა საკითხებთან ერთად, მიუსაფართათვის გრძელვადიანი თავშესაფრის მშენებლობის საკითხი განიხილება. მუნიციპალური განვითარების ფონდი კომისიას წარუდგენს თავშესაფრის პროექტს, რომლის მიხედვითაც მშენებლობა უნდა მოხდეს. კომისიის მიერ პროექტის დამტკიცების შემდეგ, იგი საქართველოს მთავრობას წარედგინება. თავშესაფრის მშენებლობა მთავრობის გადაწყვეტილებისთანავე დაიწყება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი