საპარლამენტო უმრავლესობის ერთ-ერთი ლიდერი თინა ხიდაშელი თბილისში "ევრაზიული კავშირის" მხარდამჭერი აქციების ჩატარების გამართვით კმაყოფილია. როგორც თინა ხიდაშელმა ჟურნალისტებთან საუბარში განმარტა, ამაზე უკეთესი ლუსტრაცია შეუძლებელია.
"როცა 30-55 კაცია სულ, ეს არის ძალიან კარგი, ეს არის საქართველოში რუსული მხარდაჭერა. მე მათ წარმატებებს ვერ ვუსურვებ, მაგრამ რაც უფრო ხშირად გამოჩნდებიან და რაც უფრო ხშირად დააფიქსირებენ და დაადასტურებენ, რომ სულ ამდენი არიან, მით უფრო კარგად იქნება ჩვენი ქვეყნის საქმე", - აღნიშნა თინა ხიდაშელმა.
ბოლო დღეებში თბილისში "ევრაზიული კავშირის" მიერ ორგანიზებული აქციები გაიმართა.
წყარო: interpressnews.ge