შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ბრიუსელის ფორუმში მიიღებს მონაწილეობას.
როგორც "ინტერპრესნიუსს" სამინისტროდან აცნობეს, ქეთევან ციხელაშვილი ბრიუსელში უკვე გაემგზავრა. ის ბრიუსელში ყოფნისას ევროკავშირის წარმომადგენლებსა და საერთაშორისო ექსპერტებს შეხვდება.
ფორუმის ფარგლებში იგეგმება მსჯელობა აღმოსავლეთ პარტნიორობის მომავალზე. წლევანდელი ფორუმის დღის წესრიგში ევროპისა და ნატოს საკითხებთან ერთად უკრაინის მოვლენებიც დგას.
ბრიუსელის ფორუმი დღეს გაიხსნა და 23 მარტს დასრულდება. ფორუმზე, რომელიც გერმანიის მარშალის ფონდის ორგანიზებით ყოველწლიურად იმართება, ჩრილოეთ ამერიკისა და ევროპის მაღალი რანგის პოლიტიკოსები, ლიდერები და ექსპერტები იკრიბებიან.


წყარო: interpressnews.ge