შერიგებისა და სამოქალაქო თანასწორობის საკითხებში საქართველოს სახელმწიფო მინისტრი პაატა ზაქარეიშვილი საქართველოს იეზიდ
მოქალაქეებს ახალი წლის - "კლოჩე სარე სალეს" დღესასწაულს ულოცავს.
"ჩვენს იეზიდ თანამოქალაქეებს გულითადად ვულოცავ ამ ტრადიციულ საახალწლო დღესასწაულს "კლოჩე სარე სალეს". ვუსურვებ მშვიდობას, ბედნიერებას და კეთილდღეობას თითოეულ ოჯახს", - აღნიშნა სახელმწიფო მინისტრმა.
"კლოჩე სარე სალე" ეზიდური ტრადიციული სახალხო დღესასწაულია, რომელიც შუამდინერეთის უძველესი ისტორიიდან მომდინარეობს და იეზიდი ხალხისთვის გაზაფხულის დადგომასთან, ბუნების გამოღვიძებასა და სიცოცხლის განახლებასთან ასოცირდება.
წყარო:
interpressnews.ge