"მწვანეთა პარტიის" მიერ საპარლამენტო უმრავლესობის დატოვების ფაქტს, უმრავლესობის ერთ-ერთი ლიდერი გიორგი ვოლსკი გამოეხმაურა.
მისი თქმით, "მწვანეთა პარტიასთან" კოორდინაცია გარკვეული მიზეზების გამო, ვერ მოხერხდებოდა.
,,გაჩეჩილაძის გადაწყვეტილება როგორც პარტიის ლიდერის აბსოლუტურად ნორმალურია. მას თავისი პარტიის განვითარების ინტერესი აქვს და რასაკვირველია, მომავალი ადგილობრივი არჩევნების წინ უნდა, რომ გააძლიეროს პარტია. მას სურს გამოვიდეს ამ არჩევნებში დამოუკიდებლად. ვერ გვექნება ჯერჯერობით მწვანეთა პარტიასთან კოორდინაცია, რომელსაც გაჩეჩილაძე მოითხოვს. მაგრამ ვუსურვებ, რომ გაძლიერდეს პარტია, ჩამოყალიბდეს და თავისი თავი აჩვენოს. ასეთია პარტიული ცხოვრება", – განაცხადა გიორგი ვოლსკიმ.
წყარო:
interpressnews.ge