საქართველოს რეგიონული განვითარებისა და ინფრასტრუქტურის მინისტრი დავით ნარმანია ხვალ ბიზნეს-ორგანიზაციების წარმომადგენლებს შეხვდება.
როგორც "ინტერპრესნიუსს" სამინისტრდან აცნობეს, ღონისძიება საქართველოს დამსაქმებელთა ასოციაციის ორგანიზებით გაიმართება და მასში ასოციაციის წევრი კომპანიები მიიღებენ მონაწილეობას.
შეხვედრაზე რეგიონული განვითარების მინისტრი ბიზნეს-სექტორის წარმომადგენლებს 2014 წელს დაგეგმილი პროექტების შესახებ ინფორმაციას მიაწვდის და სამომავლო თანამშრომლობის საკითხებზე ისაუბრებს.
შეხვედრა სასტუმრო "შერატონ მეტეხი პალასში" 14:00 საათზე დაიწყება და მას 70-მდე ორგანიზაციის წარმომადგენელი დაესწრება.


წყარო: interpressnews.ge