შავი ზღვის ქვეყნების ეკონომიკური თანამშრომლობის საპარლამენტო ასამბლეის 42-ე გენერალურ ასამბლეაზე, რომელიც თბილისში გაიმართა, "დემოკრატიული მოძრაობის" ლიდერმა ნინო ბურჯანაძემ ორგანიზაციისგან საპატიო მედალი მიიღო.
ამის შესახებ "ინტერპრესნიუსს" პარტიიდან აცნობეს.
"ნინო ბურჯანაძე შავი ზღვის ქვეყნების ეკონომიკური თანამშრომლობის საპარლამენტო ასამბლეის თავმჯდომარის პოსტს 2001 -2008 წლებში იკავებდა. აღსანიშნავია, რომ საპარლამენტო ასამბლეის მიერ, სწორედ ამ პერიოდში იქნა მიღებული ყველაზე მნიშვნელოვანი დეკლარაციები, როგორებიცაა 2002 წლისა და 2007 წლის შავი ზღვის ქვეყნების თანამშრომლობისა და პროგრესის ათწლეულის შემაჯამებელი და ეკონომიკური თანამშრომლობის შესახებ დეკლარაციები", - აცხადებენ "დემოკრატიულ მოძრაობაში".

წყარო: interpressnews.ge