პარლამენტის თავმჯდომარის აზრით, მთავრობის ოპტიმიზაცია ცუდი არ იქნებოდა, - ამის შესახებ დავით უსუფაშვილმა "პალიტრა ტვ"-ის გადაცემა "ემას შოუში" განაცხადა.
მისი თქმით, მთავრობაში 18 მინისტრია და ეს უახლოესი მომავლის ამოცანა არ არის, თუმცა საკონსტიტუციო კომისიის მუშაობის გათვალისწინებით ეს საკითხიც გადაიხედება.
"საქმე მხოლოდ სამინისტროების რაოდენობაში არ არის. ჩვენი საარჩევნო დაპირება საზოგადოებისთვის არის ის, რომ გვექნება ოპტიმალური საჯარო სამსახური - მხოლოდ იმდენი ადამიანით დაკომპლექტებული, რამდენიც საჭიროა საქმისთვის. ეს ძალიან მნიშვნელოვანია. ოპტიმიზაცია ადგილობრივი თვითმმართველობის რეფორმის პროცესშიც მოხდება და სამინისტროების დონეზეც", - განაცხადა უსუფაშვილმა.


წყარო: interpressnews.ge