ორგანიზაცია "სამართლიანი არჩევნებისა და დემოკრატიის საერთაშორისო საზოგადოება", ENEMO-ს სადამკვირვებლო მისიის ფარგლებში , 15 დეკემბერს უკრაინაში არჩევნების მიმდინარეობის პროცესს დააკვირდება. ამის შესახებ ინფორმაციას ორგანიზაცია "სამართალიანი არჩევნები" ავრცელებს.
უკრაინაში საპარლამენტო არჩევნები განმეორებით იმ 5 საარჩევნო ოლქში ტარდება, რომლის შედეგებიც უკრაინის ცენტრალურმა საარჩევნო კომისიამ არალეგიტიმურად ცნო 2012 წლის 28 ოქტომბრის არჩევნებისას.
ENEMO დამკვირვებელი ორგანიზაციების ევროპული ქსელია, სადაც 17 ქვეყნის 21 ორგანიზაციაა გაერთიანებული. სადამკვირვებლო მისია არჩევნებზე დაკვირვებისას ხელმძღვანელობს ევროპული სტანდარტებით, დემოკრატიული და სამართლიანი არჩევნების უზრუნველსაყოფად.

წყარო: interpressnews.ge