ნატო-ს წევრი ქვეყნების საგარეო საქმეთა მინისტრების შეხვედრის ფარგლებში, 3 დეკემბერს, საქართველოს საგარეო საქმეთა მინისტრი მაია ფანჯიკიძე
ამერიკის შეერთებული შტატების სახელმწიფო მდივანს, ჯონ კერის შეხვდება.
როგორც "ინტერპრესნიუსს" საგარეო საქმეთა სამინისტროდან აცნობეს, აღნიშნული შეხვედრა მნიშვნელოვან დატვირთვას ატარებს და ხელს შეუწყობს ორ ქვეყანას შორის არსებული მჭიდრო ურთიერთობებისა და სტრატეგიული თანამშრომლობის კიდევ უფრო გაღრმავებას.
შეხვედრის ფარგლებში მხარეები განიხილავენ ორმხრივ და მრავალმხრივ ფორმატში თანამშრომლობის მიმდინარე საკითხებს და ქვეყნებს შორის სტრატეგიული პარტნიორობის შემდგომი განმტკიცების პერსპექტივებს.
3 დეკემბერს დაგეგმილი შეხვედრა ორი ქვეყნის საგარეო უწყებების ხელმძღვანელებს შორის რიგით მეორეა.
წყარო:
interpressnews.ge