საქართველოს ყოფილი პრემიერ-მინისტრი, კოალიცია "ქართული ოცნების" ლიდერი ბიძინა ივანიშვილი პოლიტიკიდან წასვლის შესახებ ოფიციალურ განცხადებას დღეს გააკეთებს.
"ქართული ოცნება-დემოკრატიული საქართველოს" ყრილობაზე ბიძინა ივანიშვილი პოლიტიკაში ყოფნის პერიოდს შეაჯამებს და პარტიის თავმჯდომარეობიდან გადადგება.
ყრილობაზე პარტიის ახალ თავმჯდომარეს და ახალ პოლიტსაბჭოს აირჩევენ. ბიძინა ივანიშვილს პარტიის ლიდერის თანამდებობაზე პრემიერ-მინისტრი ირაკლი ღარიბაშვილი შეცვლის, ხოლო პოლიტსაბჭოს წევრთა რაოდენობა 21-დან 12-მდე შემცირდება.
რაც შეეხება პარტიის გენერალურ მდივანს, ამ თანამდებობაზე ენერგეტიკის მინისტრი კახი კალაძე განიხილება.
ბიძინა ივანიშვილს პრემიერ-მინისტრის პოსტზე უფლებამოსილების ვადა გუშინ მას შემდეგ ამოეწურა, რაც პარლამენტმა მინისტრთა კაბინეტის ხელმძღვანელად ირაკლი ღარიბაშვილი დაამტკიცა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი