აზერბაიჯანის პრეზიდენტს გიორგი მარგველაშვილის ინაუგურაციაზე დასწრების მოსაწვევი არ მიუღია, - ამის შესახებ პორტალი Взгляд.az ილჰამ ალიევის პრესსამსახურზე დაყრდნობით იუწყება.
პრესსამსახურის განმარტებით, ცერემონიაზე აზერბაიჯანიდან ჯერ არც სხვა ოფიციალური პირები მიუწვევიათ.
აზერბაიჯანის საგარეო საქმეთა სამინისტროს პრესსამსახურის ხელმძღვანელის, ელმან აბდულაევის განცხადებით, მსგავსი ინფორმაცია უწყებაში არ შესულა.
საქართველოს ახლად არჩეული პრეზიდენტის გიორგი მარგველაშვილის ინაუგურაცია 17 ნოემბერს გაიმართება. საქართველოს საგარეო საქმეთა სამინისტროს ინფორმაციით, ცერემონიაზე დასასწრებად პარტნიორ ქვეყნებში 70-მდე მოსაწვევი გაიგზავნა.
წყარო: interpressnews.ge