ლიტვის პრეზიდენტი გიორგი მარგველაშვილს საპრეზიდენტო არჩევნებში გამარჯვებას ულოცავს
ლიტვის პრეზიდენტი დალია გრიბაუსკაიტე საქართველოს ახალარჩეულ პრეზიდენტს გიორგი მარგველაშვილს საპრეზიდენტო არჩევნებში გამარჯვებას ულოცავს.
ინფორმაციას ამის შესახებ ლიტვის პრეზიდენტის ოფიციალური ვებგვერდი ავრცელებს.
"გილოცავთ საქართველოს საპრეზიდენტო არჩევნებში გამარჯვებას. გისურვებთ წარმატებასა და სიძლიერეს, რაც ახლა ძალიან მნიშვნელოვანია საქართველოსთვის. თქვენმა ქვეყანამ დემოკრატიის კიდევ ერთი ტესტი ჩააბარა და ამიტომ გულწრფელად ვიმედოვნებ, რომ მოახლოებულ ვილნიუსის სამიტზე ერთად შევძლებთ საქართველოს ევროპული არჩევანის შეფასებას", - ნათქვამია ლიტვის პრეზიდენტის მილოცვაში.
დალია გრიბაუსკაიტემ გიორგი მარგველაშვილი ნოემბერში გასამართ ვილნიუსის სამიტზე მიიწვია.
წყარო:
interpressnews.ge