ესტონეთის პრეზიდენტი საოკუპაციო ხაზის გასწვრივ რუსეთის ქმედებებს საერთაშორისო სამართლის ნორმების უხეშ დარღვევად აფასებს.
ამის შესახებ ესტონეთის პრეზიდენტმა ტომას ილვესმა, საქართველოს საგარეო საქმეთა მინისტრთან მაია ფანჯიკიძესთან და მოლდოვის პრემიერ-მინისტრთან იურიე ლეინკასთან ერთად, ღვინის ფესტივალის გახსნისას განაცხადა.
"ეს არის საერთაშორისო სამართლის უხეში დარღვევა", - აღნიშნა ილვესმა რუსეთის ქმედებების კომენტირებისას.
საგარეო საქმეთა სამინისტროს ინფორმაციით, ღვინის საერთაშორისო ფესტივალის გახსნას საქართველოს საგარეო საქმეთა მინისტრი მოლდოვას რესპუბლიკაში ოფიციალური ვიზიტის ფარგლებში დაესწრო.
დღესვე საგარეო საქმეთა მინისტრმა შეხვედრები გამართა მოლდოვას პრემიერ–მინისტრთან იურიე ლეანკასთან და მოლდოვას საგარეო საქმეთა მინისტრთან ნატალია გერმანთან.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი