უხვმა ნალექმა ვანის მუნიციპალიტეტში მდინარეების ადიდება გამოიწვია, რასაც მდინარეების კალაპოტიდან გადმოსვლა და მოსახლეობის დატბორვა მოჰყვა. ვანის გამგებლის მოდგილის ალექსანდრე მჟავანაძის თქმით, მუნიციპალიტეტსა და მის სოფლებში წყალდიდობა დღეს, 07:00 საათიდან, დაიწყო. უხვმა ნალექმა განსაკუთრებით ის სოფლები დააზარალა, სადაც მდინარე მოდის და რომლებიც დაბალ ზონაში მდებარეობენ. „ეზოებში წყალი ისე მიდიოდა, როგორც მდინარე. ჩვენ გასული ვიყავით მოსახლეობაში, რომლებიც აცხადებენ, რომ შინაური ფრინველი და ცხოველი დახოციალია, თუმცა ამას ზარალის დასადგენად შექმნილი კომისია დაადგენს,“ - ამბობს გამგებლის მოადგილე.
წყარო: news.ge