აშშ-ის პრეზიდენტმა ბარაკ ობამამ სიგარეტის მოწევას მეუღლის შიშით დაანება თავი. ორშაბათს, CNN-ის ეთერში ვიდეოჩანაწერი გავრცელდა, სადაც ობამა ამის შესახებ საუბრობს. აშშ-ის პრეზიდენტი გაერო-ს სპეციალურ მომხსენებლს, მაინ კიაის ესაუბრება. თანამოსაუბრეებმა არ იცოდნენ, რომ დიალოგი იწერებოდა. ჩანაწერში ობამა ამბობს, რომ ის უკვე დაახლოებით 6 წელია, რაც სიგარეტს აღარ ეწევა, რადგან "მეუღლის ეშინია". პირველი საპრეზიდენტო არჩევნების მოგების შემდეგ, ობამა ამერიკელებს შეჰპირდა, რომ არ მოწევდა სიგარეტს თეთრ სახლში და რეზიდენციის ტერიტორიაზე. 2009 წლის თებერვალში, ობამა ერთ-ერთ ინტერვიუში გამოტყდა, რომ სიგარეტისგან თავის დანებება მისთვის ძალიან რთულია. აშშ-ის პირველმა ლედიმ, მიშელ ობამამ რამდენჯერმე სიამაყით აღნიშნა მეუღლის წარმატება ნიკოტინთან ბრძოლაში. მისი თქმით, პრეზიდენტს ამის მოტივაციას შვილები აძლევენ.
წყარო:
news.ge