ქუთაისის მერიის საკონკურსო კომისიამ ქალაქის ვიცე-მერები შეარჩია. აღნიშნულ თანამდებობაზე სამ ვაკანტურ ადგილზე გამოცხადებულ კონკურსში ვიცე-მერების მოვალეობის შემსრულებლები თენგო თოფურიძე, კონსტანტინე ლომიძე და გია შარაბიძე გავიდნენ. თოფურიძე მერიაში ინფრასტრუქტურულ სფეროებს ჩაიბარებს, ლომიძე -სოციალურს, ხოლო ეკონომიკის ბლოკს გია შარაბიძე წარუძღვება. საკონკურსო კომისიის თავმჯდომარის თამაზ მარგველაშვილის თქმით, ვიცე-მერობის მსურველები სხვებიც იყვნენ. "თუმცა ამ ადამიანებმა იმდენად კარგად გაართვეს კონკურსს თავი, რომ ისინი შევარჩიეთ,“ - ამბობს მარგველაშვილი. კონკურსი არ ეხებოდა მეოთხე ვიცე-მერს, ნიკო კაჭკაჭიშვილს, რომელიც თამაზ მარგველაშვილის თქმით, თანამდებობაზე უვადოდ არის დანიშნული.
წყარო:
news.ge