აკაკი მინაშვილი - რუსეთი ჩამორჩენილი სახელმწიფოა და გაუგებარია რატომ მივილტვით მისკენ
რუსეთი ჩამორჩენილი სახელმწიფოა და გაუგებარია რატომ მივილტვით მისკენ, - ამის შესახებ საპარლამენტო უმცირესობის წევრმა აკაკი მინაშვილმა განაცხადა.
პარლამენტის პლენარულ სხდომაზე დეპუტატი პრემიერ-მინისტრის მიერ ევროზიულ კავშირთან დაკავშირებით გაკეთებულ განცხადებას გამოეხმაურა და პარალელი საბჭოთა კავშირის აღდგენის მცდელობაზე გაავლო.
როგორც მინაშვილმა აღნიშნა, რუსეთს არც ერთი მეგობარი და მოკავშირე სახელმწიფო არ ჰყავს.
"რუსეთის ფედერაცია არის ჩამორჩენილი, რეტროგრადული, ეკონომიკურად ჩავარდნილი სახელმწიფო და გაუგებარია რატომ მივილტვით ჩვენ რუსეთის ფედერაციისკენ?", - აღნიშნა მინაშვილმა.
მისივე თქმით, ზურაბ აბაშიძეს ერთი რამე არ ესმის, არ ესმის, რომ დიპლომატია არ არის პოლიტიკური კეკლუცობა და ვინმესთვის თავის მოწონება, დიპლომატია საკუთარი სახელმწიფოსა და საკუთარი მოქალაქეების ინტერესების დაცვაა.
წყარო:
interpressnews.ge