ქუთაისის მერიაში საზოგადოებასთან ურთიერთობის სამსახურის უფროსის შესარჩევად გამოცხადებულ კონკურსში 32 განაცხადი შევიდა, თუმცა მათგან სრულყოფილი დოკუმენტაცია მხოლოდ 7-მა კონკურსანტმა წარმოადგინა. „დანარჩენების დოკუმენტაცია კონკურსის პირობებს არ შეესაბამებოდა. ამ ეტაპზე სამსახურების უფროსების მიხედვით, მიდის დოკუმენტაციის გადარჩევა და ამის შემდეგ გადავწყვეტთ, ვის დავიბარებთ გასაუბრებაზე,“ - ამბობს მერიის მუდმივმოქმედი საკონკურსო-საატესტაციო კომისიის ერთ-ერთი წევრი ზურაბ ხურციძე. ცნობილია, რომ მერიის პრესსამსახურის უფროსობაზე პერეტენზიის მქონე 7 კანდიდატს შორის ერთ-ერთი ქეთი დეისაძე ამჟამად მერიის პრესსამსახურის უფროსია. ტატო ლილუაშვილს მერის ადმინისტრაციაში მთავარი სპეციალისტის თანამდებობა უჭირავს. გიორგი მჟავანაძე საინფორმაციო სააგენტო" ინფო-9"-ის ქუთაისის ბიუროს ჟურნალისტია, ხოლო მარიკა ჩხიკვაძე ტელეკომპანია "მაესტროს" იმერეთის ბიუროში მუშაობდა.
წყარო:
news.ge