"ინტერპრესნიუსის" ინფორმაციით, მთავრობის ადმინისტრაციის რეგიონებსა და ადგილობრივ თვითმმართველობებთან ურთიერთობის დეპარტამენტის უფროსმა აკაკი ჩხენკელმა თანამდებობა დატოვა.
როგორც სააგენტოსთვის გახდა ცნობილი, აღნიშნულთან დაკავშირებით ჩხენკელის განცხადება პრემიერ-მინისტრმა უკვე დააკმაყოფილა. მიზეზები ჯერჯერობით უცნობია.
"ინტერპრესნიუსი" ცდილობს მთავრობის ადმინისტრაციაში ოფიციალური კომენტარი მოიპოვოს.
საქართველოს პრემიერ-მინისტრმა ირაკლი ღარიბაშვილმა მთავრობის კანცელარიის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტის უფროსად აკაკი ჩხენკელი 2013 წლის დეკემბერში წარადგინა.


წყარო: interpressnews.ge