"ექსპო ჯორჯიას" მე-3 პავილიონში დღეს საქართველოს ინოვაციების კვირეულის შემაჯამებელი ღონისძიება გაიმართება
.
როგორც "ინტერპრესნიუსს" ეკონომიკის სამინისტროდან აცნობეს, შემაჯამებელ ღონისძიებაზე მომხსენებლები ინოვაციური მეწარმეობის სხვადასხვა ასპექტებზე და მათ მნიშვნელობაზე ისაუბრებენ. ქართველი და უცხოელი ექსპერტები საკუთარ გამოცდილებას დამსწრე საზოგადოებას გაუზიარებენ.
დღესვე გაიმართება Hack-a-thon-is და Make-a-thon-ის მონაწილე გუნდების პრეზენტაციები და გამოვლინდებიან გამარჯვებულები. Make-a-thon-ის გამარჯვებული გუნდის წევრებს კომპანია "სამსუნგისაგან" Samsung Galaxy S5 Mini-ს, ხოლო საქართველოს უნივერსიტეტისაგან Arduino Uno-ს ნაკრებს მიიღებენ. Hack-a-thon-ში მონაწილე 3 საუკეთესო გუნდს კი კომპანია Silk Net 300 ლარიან ვაუჩერს გადასცემს.
ღონისძიება დაჯილდოების და დახურვის საზეიმო ცერემონიალით დასრულდება.
"საქართველოს ინოვაციების კვირეულის" ორგანიზატორი საქართველოს ინოვაციების და ტექნოლოგიების სააგენტოა.
წყარო:
interpressnews.ge