ამბასადორიალის ფარგლებში ქართველ დიპლომატებს არასამთავრობო სექტორის წარმომადგენლები შეხვდნენ
ამბასადორიალის მესამე დღის ბოლოს ქართულ დიპლომატიურ კორპუსს არასამთავრობო ორგანიზაციების
წარმომადგენლები და ექსპერტები შეხვდნენ. მათ ელჩებს აქტუალურ საშინაო და საგარეო პოლიტიკურ საკითხებზე საკუთარი ხედვები და მოსაზრებები გააცნეს.
"ჩვენ ვისაუბრეთ ადგილობრივი თვითმმართველობის არჩევნებზე, მედია გარემოზე, სასამართლო ხელისუფლების წინაშე მდგარი გამოწვევებზე, მათ შორის პარლამენტში პრეზიდენტის მიერ უზენაესი სასამართლოს მოსამართლის ორი კანდიდატურის ჩაგდების შესახებ. ვისაუბრეთ ასევე პროკურატურის სისტემაში არსებულ საკითხებზე და სხვადასხვა შიდა პოლიტიკურ პრობლემებზე", - განუცხადა ჟურნალისტებს შეხვედრის დასრულების შემდეგ "ახალგაზრდა იურისტთა ასოციაციის" ხელმძღვანელმა კახა კოჟორიძემ.
მისსივე თქმით, დიპლომატებთან შეხვედრისას ითქვა, რომ ხელისუფლების მხრიდან არასამთავრობო ორგანიზაციების მიმართ გაკეთებული დაუსაბუთებელი განცხადებები აზარალებს სიტუაციას და ქვეყნის ინტერსებს არ წაადგება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი