ზვიად ძიძიგური - არ მაქვს განცდა, რომ მარტო 7 ნოემბრის თემა იქნება მიხეილ სააკაშვილისადმი პროკურატურის სადავო თემა
მე არ მაქვს ისეთი განცდა, რომ მარტო 7 ნოემბრის თემა იქნება მიხეილ სააკაშვილისადმი პროკურატურის სადავო თემა, ალბათ,
სხვა თემებიც იქნება, ძალიან ბევრი, - ამის შესახებ საპარლამენტო უმრავლესობის წევრმა ზვიად ძიძიგურმა "ტელეიმედის" გადაცემა "რეაქციის" ეთერში განაცხადა.
"მიხეილ სააკაშვილთან წამოსადები ძალიან ბევრი რამ შეიძლება, კიდევ მოჰყვეს. მისი გადმოცემის საქმე, დაპატიმრების საქმე, ყველაფერი დამოკიდებული იქნება სასამართლო გამოძიებაზე, თუ რამდენად იქნება ეს თემები მყარი სამართლებრივად. პოლიტიკურად რომ მყარია, მთელმა საქართველომ იცის, ყველანი ვხედავდით, როგორი სისტემური დანაშაულები ხდებოდა", - განაცხადა ზვიად ძიძიგურმა.
მისივე თქმით, პროკურატურას 2007 წლის 7 ნომებრის საქმეზე უახლოეს დღეებში ჩვენებას თავადაც მისცემს.
წყარო:
interpressnews.ge