საგარეო საქმეთა სამინისტროში ხვალ ჟენევის თანათავმჯდომარეებთან შეხვედრა გაიმართება
საგარეო საქმეთა სამინისტროში ხვალ ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართება.
როგორც "ინტერპრესნიუსს" საგარეო საქმეთა სამინისტროდან აცნობეს, აღნიშნული შეხვედრის ფარგლებში მხარეები განიხილავენ მოლაპარაკებების ორივე ჯგუფთან დაკავშირებულ საკითხებს და ოკუპირებულ ტერიტორიებზე არსებულ ვითარებას.
"ქართული მხარე ყურადღებას გაამახვილებს საოკუპაციო ხაზის გასწვრივ მავთულხლართების გავლების პროცესზე. შეხვედრას საქართველოს საგარეო საქმეთა, შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და შინაგან საქმეთა სამინისტროს წარმომადგენლები დაესწრებიან. შეხვედრას საგარეო საქმეთა მინისტრის პირველი მოადგილე დავით ზალკალიანი უხელმძღვანელებს", - აცხადებენ საგარეო უწყებაში.
წყარო:
interpressnews.ge