პრეზიდენტმა მიხეილ სააკაშვილმა ქუთაისში საფეიქრო საწარმო გახსნა, რომელიც პროექტ „იაფი კრედიტის“ ფარგლებში დაფინანსდა. დამფუძნებლებს სოსო ლანჩავასა და იუზა თევდორაძეს საწარმოს ასამუშავებლად 300 000 ლარი დასჭირდათ. აქ 5 სახეობის ქსოვილს ამზადებენ. უახლოეს მომავალში ჯინსისა და ეგრეთ წოდებული „ბრიზენტის“ წარმოებასაც გეგმავენ. ამ ეტაპზე საფეიქრო საწარმოში სპეც-ფორმებიც იკერება, რომელთა საბაზრო ღირებულება 25 ლარიდან იწყება. აქ ამ ეტაპზე 42 ქუთაისელი მუშაობს, თუმცა საწარმოს გაფართოების შემდეგ კიდევ 100 ადამიანი დასაქმდება.