ქუთაისის მერი ტრანსპორტის სამსახურის წარმომადგენლებს შეხვდა. ნუგზარ შამუგიას თქმით, მალე გამოცხადდება ტენდერი გადამზიდავებისათვის. ტენდერის უმთავრესი პირობაა მგზავრთა კომფორტული გადაადგილება და მომსახურება. პირობებში ჩაიდება, რომ შიდა საქალაქო ტრანსპორტის მომსახურება გვიანობამდე იყოს შესაძლებელი, მოქალაქეებს ქალაქის ნებისმიერ უბანში საზოგადოებრივი ტრანსპორტი 23 საათამდე ემსახურებოდეს.