როგორც ცნობილია, ქსნისა და რუსთავის სასჯელაღსრულების დაწესებულებებში პატიმრებმა პროტესტის უმაღლეს ფორმას – შიმშილობას მიმართეს. რამდენიმე მათგანს პირიც აქვს ამოკერილი. პატიმრები სხვა მოთხოვნებთან ერთად სისხლის სამართლის კოდექსიდან იმ მუხლის ამოღებას ითხოვენ, რომლის საფუძველზეც ე.წ. კანონიერი ქურდების გასამართლება ხდება.
დღეს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია ორივე სასჯელაღსრულების დაწესებულების მონახულებას გეგმავს. იგი ქსნის სასჯელაღსრულების მე-15 დაწესებულებისა და რუსთავის სასჯელაღსრულების მე-17 საპყრობილის მოშიმშილე პატიმრებს შეხვდება.
(ი.ბ.)