საქართველოს პრეზიდენტი მიხეილ სააკაშვილი უშიშროების საბჭოს მოიწვევს. პრეზიდენტის ადმინისტრაციის მიერ გავრცელებულ ინფორმაციაში ნათქვამია, რომ საბჭოს სხდომა უახლოეს მომავალში შედგება.  

„პრეზიდენტი მზადაა, ზუსტი დრო დანიშნოს პრეზიდენტის და პრემიერ-მინისტრის აპარატების შეთანხმების მიხედვით, ორშაბათს, სამშაბათს ან ოთხშაბათს,”-ნათქვამია ადმინისტრაციის ვებ-გევრდზე გამოქვეყნებულ განცხადებაში.

ამავე წყაროს ინფორმაციით, საბჭოს მოწვევა ავღანეთში ქართული შენაერთის მიმართ განხორციელებული თავდასხმას, ქართველი სამხედროებისა და საქართველოს მოსახლეობის მიმართ მუქარის შემცველი ვიდეო კლიპების გავრცელებასა და მასთან დაკავშირებული უსაფრთხოების საკითხებს უკავშირდება.